لفرق مابين كمبيوتر الولاد....والبنات؟

يلا....مادام محدش عايز يضيف حاجة جديدة.....قولت اضيف انا

نبتدى بكمبيوتر البنات



شايفين الرقة و الجمال

تلاقى قاعدة الماوس على شكل دبدوب او قلب او الماوس ذات نفسه غريب
وعليه كريم دوف او فازلين عشان مايبوظش ايدهم
وعلى شاشة الكمبيوتر عرايس و دباديب و صور قلوب و قطط و عصافير

اما عن لون الشاشة يا عينى و يا ليلى على لون الشاشة يكون احمر او اصفر او اخضر و عليها مرايا و ميشط

واول ماتشغل البنت الكمبيوتر بتاعها بيكون صوت التشغيل اغانى رومانسية او صوت عصافير

نيجى بقى لخلفية سطح المكتب تلاقيها قلب احمر كبير او صور فنانيين زى اليسا وهيفا ونانسى كمان ومعاهم عم تامر او ممثلين و طبعا مش اى ممثلين

وياعينى على الملفات بتكون محفوظة باسامى اغانى او قصائد شعر

ولما تيجى البنت تحب تقفل الكمبيوتر تروح قافلة كل صفحة بشويش وكل ملف براحة وتتدوس برقة ونعومة على انهاء التشغيل وتكون موسيقة قفل الجهاز (باى باى يااحلى بنات الكون)

وتستنى عليه لحد مايقفل وتقوم مغطية كل حاجة براحة وتحط عليه الدباديب

وتغطيه وكانها بتقوله نام ياحبيبى نام




دى بقى بالنسبة لكمبيوتر البنات








نيجى بقى لكمبيوتر الولاد



ولا الفارة مالهاش قاعدة وتلاقيها خربانة وبتقول ياما ارحمينى من كتر الهبد فيها فى الالعاب وتلاقى الطرابيزة بتاعت الكمبيوتر كلها بقع
مطرح الشاى والقهوة والاكل وتراب

بالنسبة للشاشة فتلاقيها متربة ومعفرة وكلها علامات صوابع او علامة دبانة او ناموسة مضروبة عليها

اما الكيس تلاقى مصارينه وقلبه طالعين بره ياحراااام
ومفتوح على اخره

واول ما يشغل الكمبيوتر تلاقى الصوت صوت فرملة عربية او كسر وخبط او اغانى اجنبى من بتاعت 50سينت او ايمنيم باشا

اما الخلفية فتلاقيها كلها صور دبابات وعربيات مكسرة او مصارعين او لاعبين كرة

اما الملفات تلاقيها باسامى غريبة كتير زى حنكورة و حنكش .اللى بالى بالك.او اسامى ليس لها معنى

واخيرابقى ساعة مايجى يقفل الجهاز يروح خابط زرار الباور او يقوم يشد الفيشة من الكهربا ومش بعيد يقطعها

و تلاقى موسيقى القفل بتاعت الجهاز
اغنية بالسلامة لسميرة سعيد