شوية نصائح انما ايه

1 - اكثر ما يلفت الولد فى البنت شعرها ... جمالها ... اظافرها ... مكياجها ... البرفيوم بتاعها
يعنى من الاخر مستوى النضافه


2- يكره الشاب البنت المدخنه ويشعر انها بلا انوثه يعنى اول ما تشوفيه جاى ارمى السجاره
وارزعى واحده هولز بالنعناع وانتى تبقى تمام


3- يحب الولد ان تشاركه البنت همومه لا ان يشاركها هى اهتماماتها يعنى اسمعيه وحسى بيه
مش تقعدى تمسكى ودانه لحد اما هيبقى هيموت منك


5- لا يؤمن الولد بالبنت التى لا تخطط لمستقبلها يعنى اعملى نفسك انك بتلمى بعربيه وشقه
ونجاح باهر وانك مخططه لمستقبلك صح حتى لو انتى اصلا مبتفهميش او حتى شحاته


6- الولد يكره البنت التى لا تفى بوعودها يعنى من الاخر بيكره البنت اللى بتفرقعه
اللى بتخليه يقف على الكوبرى فى عز الحر زى عبد الحليم والحوارات دى


7- يعشق الولد البنت العنيده يعنى خليكى عنيده اشرحلك فيها ايه دى كمان
ده انتم جبتولى شلل


8- يكره الولد البنت اللى عامله نفسها بتفهم فى كل حاجه ومفكره نفسها فيلسوفه
يعنى من الاخر اتكلمى ببساطه ومتحوريش عليه وعلى نفسك وكونى تلقائيه وطبيعيه



9- يحب الولد البنت اللى بتفهم فى كل انواع المزيكا ان شالله روسى ايوه روسى
اتعلمى روسى ده حتى سهل اوى انا عن نفسى حافظ كلمه منه اسمها شربخشوف
ومحدش يسألنى ايه معناها


10- يعشق الولد البنت المثقفه اللى بتجيد اكتر من لغه يعنى اتعلميلك كام كلمه من كل لغه وروحى
اتمنظرى قصاده وعادى خالص كأنك لسه متخرجه من السى يو ايه حالا


11- يكره الولد البنت صاحبه الصوت العالى واللى بتسخر منه قصاد صاحباتها يعنى احترميه واديله
برستيجه قصاد الناس ولما يمشى انتى وهو قطعوا بعض


12- يحب الولد البنت اللى تشاركه احزانه وافراحه يعنى تبقى معاه فى الحلوه والمره
مش هتخديه لحم وترميه عضم



13- يحب الولد البنت الغيوره ولكن بحدود يعنى متخنقيش عليه اوى يروح يخلع منك ويروح للبت سوسو
ولا تهمليه يروح منفضلك ويروح للبت توتو


14- الولد دايما بيخون ولكن لما بيحب بيبقى صعب يتخلى عن اللى بيحبها عشان كده حاولى تقربيه منك اكتر واكتر


15- الولد بيحب البنت المتدينه اللى بتعرف امور دينها يعنى اول ما تشوفيه ارمى شريط تامر من الووكمن
وطلعى على طول شريط عمرو خالد هتلاقيه بيقولك ياه مشفتش فى اخلاقك


16- الولد بيحب البنت المحافظه على رشاقتها يعنى بطلى اكل بالسمنه وبطلى محشى ومكرونه
عشان الولد مبيحبش البنت الكومبو


17- الولد بيحب يكون محور حديث البنت مع صاحبتها يعنى حسسيه انك طول مانتى قاعده مع اصحابك بتشكرى فى سيادته



18- يكره الولد البنت اللى بتبقى عاوزه تدفع الحساب لما بيخرجوا يعنى هو بيحب يدفع خلاص سيبيه يدفع
انتى غرمانه حاجه من جيبك


19- يحب الولد البنت اللى بتحترم اهلها متهيألى دى واضحه


20- يحب الولد البنت اللى بتقوله ياه انت شكلك حلو اوى النهارده واستايلك هايل بصراحه
حتى لو كان هو معفن اصلا مش مهم هو انتى لاقيه مبقاش فيه عرسان اصلا يعنى تحمدى ربنا
وتبوسى ايدك شعر ودقن وتكلبشى فى اللى معاكى بأيدك وسنانك
بس