مين ازكى الدكتور ولا المهندس

مرة دكتور ومهندس كانوا راكبين طياره مع بعض
المسافه كانت طويله اوي
الدكتور كان زهقان اما المهندس ريح دماغه ونام
الدكتور صحا المهندس وقاله تيجي نلعب لعبه مسليه؟؟؟
المهندس نفضله ونام
الدكتور قال ....قوم بس واسمعني
انا هاسالك سؤال لو ماعرفتوش تديني 10 دولار
وانت هاتسالني سؤال لوانا ماجاوبتش اديك 10 دولار
المهندس نفضله تاني ونام
الدكتور اتعصب وقاله قوم...خلاص 10 دولار منك قصاد 100 دولار مني
المهندس وافق الدكتور سال المهندس وقاله
المسافه بين القمر والارض اد ايه؟؟؟؟
المهندس ببساطه طلع 10 دولار من جيبه واداها للدكتور
المهندس سال الدكتور ايه اللي بيطلع الجبل بتلات رجول وينزل باتنين
الدكتور معرفش
طلع 100 وادها للمهندس
المهندس هاينام تاني
الدكتور ساله
اماال ايه اللي يطلع الجبل بتلات رجول وينزل باتنين
المهندس ببساطه طلع 10 دولار واداها للدكتور.......ياعيني ع الدكتور